ӘЛЕУМЕТТІК-ЭМОЦИОНАЛДЫҚ ДАМУЫ

• Қажет болған жағдайда ересектердің көмегіне жүгінеді, өзіне деген зеінді қажет етеді және оны сақтап қалуға тырысады.
• Өзара әрекетке түседі, күтеді, көмектесуге тырысады.
• Мақсатына жеткенде мақтаныш сезімі кернеп, қозу, мақтану, қызғаныш, ашу эмоцияларын көрсете бастайды.
• Құрдастарының арасында рахаттанады.
• Ерік-жігері дамиды.
• Ересектің қарауымен жалғыз өзі ойнауы мүмкін.

ЖАЛПЫ МОТОРИКА, ҚОЛДЫҢ МОТОРИКАСЫ

• Сенімді жүреді.
• Еденде жатқан затты алу үшін еңкейеді.
• Тоқтайды, жан-жағына және артына қарай жүреді, доп лақтырады.
• Қысқа уақыт қана бір аяғында тұра алады.
• Жеңіл көмек көрсетіп, демесең баспалдақпен төмен түседі, өзбетінше жоғары көтеріледі, бір орында секіреді, үшдөңгелекті велосипедтті айдайды.
• Екі затты бір қолында ұстап тұрады.
• Қаламмен сызады, кітаптың беттерін парақтайды.
• 2-ден 6-ға дейінгі кубиктерді бір-біріне қарсы қояды..

КӨРУ-ҚОЗҒАЛЫС ТЕПЕ-ТЕҢДІГІ

• Сызбалар және түсініксіз сызықтар сызады.
• Кесені ұстайды, оны көтереді және ішеді.

ҚАБЫЛДАУЫ, ЗАТТЫҚ-ОЙЫНДЫҚ ІС-ӘРЕКЕТІ

• Кеңістіктегі доптың қозғалысын бақылайды, пирамиданың сақиналарын шешеді.
• Бет-әлпеттің көрінісін бөліп таниды (жылау, күлу)
• Кітаптағы суреттерді қарайды.

ПСИХИКАЛЫҚ ДАМУЫ

• Қоршаған көптеген заттардың қолданылу аясын түсіне бастайды.
• Ойыншықты алу үшін бір затты құрал ретінде пайдаланады.
• Бірдей заттарды таңдайды.
• Өзінің атын және қоршаған ортаның заттарының атауын біледі.
• Айнадағы өзінің бейнесін таниды және атайды.
• Бірден беске дейінгі дене мүшесін атайды.

СӨЙЛЕУ ТІЛІН ТҮСІНУІ

• Бірнеше заттарды өтініш бойынша береді.
• 2 минутқа дейін көрсеткен суретке қарайды.
• Ауызша берілген нұсқау бойынша жануарлардың, ойыншықтардың және заттардың таныс бейнелерін көрсетеді.
• Таныс суреттерді атаған кезде көрсетеді.
• «Тиме» деген тыйым салуды түсінеді. 
• Қарапайым сөздерді категориялары бойынша:  «тағам», «киім» еске түсіреді.